«أنا مش بخاف على نفسي».. أول رد من محمود جهاد بعد إصابته أمام بترول أسيوط

خرج محمود جهاد، لاعب فريق الكرة الأول بنادي الزمالك، عن صمته ورد على انتقادات بعض الجماهير له، بعد تعرضه للإصابة من جديد خلال مباراة فريقه أمام بترول أسيوط بالدوري.

وفاز الزمالك على بترول أسيوط بهدف دون رد، في المباراة التي جمعت الفريقين مساء يوم الثلاثاء بالجولة السابعة من الدوري الممتاز.

وكتب جهاد في خاصية ستوري عبر حسابه بموقع التواصل الاجتماعي «انستجرام»: «حابب أوضح حاجة للناس وخاصة جمهور الزمالك الكبير، أولًا الإصابات دي نصيب من عند ربنا، وأنا دايمًا بشتغل مهما حصل ومش زعلان ولا بتأثر، ومش لازم أطلع أقول أنا بعمل إيه، لأن ده الطبيعي وده شغلي».

وأضاف: «اللي حصل طبيعي يحصل بعد فترة غياب سنة كاملة، وأنا تمام مفيش إصابة زي الأول ولا حاجة، كلها حاجات طبيعية تحصل والحمد لله هفضل مكمل، وثقتي في ربنا أكبر من أي حاجة».

وتابع لاعب الزمالك: «أنا مش بخاف على نفسي أو مكسل أدي للنادي الكبير اللي أنا أشرف إني ألبس التيشيرت بتاعه، بالعكس ربنا وحده اللي عارف أنا بعمل إيه ومش خايف خالص، بس ببقى حريص شوية لأن أول مرة تحصل لي إصابات كده».

وأشاد محمود جهاد بدور الجهازين الفني والطبي في التعامل معه، قائلًا: «الجهاز الفني والجهاز الطبي الناس كلها ماحدش قصر معايا، الناس كلها بتساعدني بأقصى حاجة عندها».

وشدد على تقبله النقد الفني، مع رفضه السخرية من الإصابات، قائلًا: «النقد الفني طبيعي وبيبقى مقبول وبيعلّم الواحد، لكن التريقة والسف على حاجة بإيد ربنا دي تفاهة وجهل، لأن كل حاجة من عند ربنا».

واختتم تصريحاته بالتأكيد أنه حرص على توضيح موقفه لجماهير الزمالك، مشيرًا إلى أنه لم يعتد الحديث عن مثل هذه الأمور منذ ارتدائه قميص الفريق.