أحمد فلوكس: «مستحقاتي عند السبكي 20 ألف جنيه.. ومش هشتغل معاه تاني»

لاقتراحات اماكن الخروج

رفض الفنان أحمد فلوكس، ما أثير عن أن النجم محمد رمضان يرفض أن ينضم لأعماله السينمائية والدرامية.

وقال في حلقة «شيخ الحارة»، على شاشة «القاهرة والناس» مع إيناس الدغيدي: «أنا مابشتغلش مع أي حد، أنا اللي بنقي اللى بشتغل معاهم.. ماحدش يجبرنى أشتغل مع حد.. انا بعد عادل امام ومحمود عبدالعزيز مابتكلمش على نجوم.. محمد رمضان صاحبى واشتغلنا في أكتر من مسلسل.. عمرى ما اتغريت على حد.. التمثيل شغلانة، وهو ده اللى اتعملته من أبويا.. شاركت كممثل كومبارس في أغنية الدنيا مجنونة وخدت 50 جنيه».

وتابع فلوكس: «مش ندمان على فيلم 30 يوم في العز مع السبكى.. فأنا كنت محتاج أشتغله جدا.. لأنه بيميل للطبقة الشعبية وديه طبقة أنا بحبها.. رغم أننا من أسرة أرستقراطية.. ولكن مش هشتغل مع السبكى تانى.. هو منتج جميل محترم وبيحب الفن وطيب.. لكن عندي خلاف معاه أنه لا ينفذ اتفاقياته.. مابيدفعش أصلا.. وباقيلي 20 ألف جنيه».

وحول تقديمه لشخصية أنور وجدى في مسلسل «أنا قلبى دليلى»، قال: «كان ممكن أمثل أنور وجدي بشكل أفضل من كده.. رغم أنى راضى عن أدائى.. فأنا اعتمدت على أفلامه فقط.. كان ذكي لكن عصبى جدا»

وحول سؤاله عن من هو نجم مصر حاليا، فقال: «السقا مدرسة كلنا جرينا وراها.. أما عز لما اشتغلت معه في الممر لقيته بيشتغل على نفسه بشكل مش طبيعى وبيحترم كل الناس.. أما أمير تعب جدا في حياته وأخد السلم من تحت.. وأعرفه من أيام الجامعة».

• الوضع في مصر

• اصابات

  5,895

• تعافي

  1,460

• وفيات

  406